काठमाडौ । अर्थमन्त्री जनार्दन शर्माले नेपालमै मोबाइल उत्पादन गर्न मोबाइल व्यवसायीहरुलाई आग्रह गरेका छन् । त्यसका लागि आवश्यक सहयोग गर्न सरकार तयार रहेको उनले बताए ।
उनले मोबाइल वितरक सङ्घको दोश्रो राष्ट्रिय महाधिवेशन उद्घाटन गर्दै यस्तो भनेका हुन् । अर्थमन्त्री शर्माले मोबाइल डिभाइस म्यानेजमेन्ट सिस्टम (एमडिएमएस) तत्काल लागू गर्न निर्देशन दिएको जानकारीसमेत दिए ।
एमडिएमएस लागू नहुँदा नेपालमा अवैध मोबाइल आयात भइरहेकाले त्यसलाई तत्काल रोक्नु पर्ने मन्त्री शर्माले बताए । उनले भने, “नेपालमा अवैधरुपमा अवैध काम हुँदै आएको छ ।” मन्त्री शर्माले यहि महिनादेखि एमडिएमएस लागू गर्न नेपाल दूरसञ्चार प्राधिकरणलाई निर्देशन दिएको बताए ।
अवैध आयातकर्तालाई पोस्न एमडिएमएस लागू नभएको हुनसक्ने भएकाले अब तत्काल यो सिस्टम लागू हुने उद्घाटन कार्यक्रममार्फत उनले जानकारी दिए ।
