असिम कामु मगर
बुटवल। मानवअधिकार समूह बुटबल र उपभोक्ता हित संरक्षण मञ्च बुटबलले बुटबलका बिभिन्न स्वास्थ्य केन्द्रहरूमा अनुगमन गरेको छ । समूहले बुटबल उपमहानगरपालिकाका मोतिपुर स्वास्थ्य चौकी, सेमलार स्वास्थ्य चौकी लगायतका बिभिन्न स्वास्थ्य चौकीहरूको अनुगमन गरेको हो ।
अनुगमनका क्रममा बुटबल भित्र बितरण गदै आएको कोभिड विरुद्धको खोप व्यवस्थित रुपमा बितरण गरिएको छ वा छैन ज्येष्ठ नागरिकले पाउन पर्ने खोप पाएकी पाएनन् जानकारी लिनका लागि अनुगमन गरिएको उपभोक्ता हित संरक्षण मञ्च बुटवलका अध्यक्ष समुन्द्र जिसीले बताए ।
नगरपालिकाले बितरण गदै आएको खोप व्यवस्थित रुपमा बितरण भएपनि खोप अपुग हुंदा धेरै नागरिक खोपबाट बञ्चित भएकाले तत्काल व्यवस्थापन गर्न अनुगमन टोलीले माग गरेको छ । मानव अधिकार समुह बुटबलकी अध्यक्ष कामला भण्डारी ज्ञवालीले मोतिपुर सेमलार क्षेत्रका स्थानीमा खोप लगाउनु पर्छ भन्ने जानकार नभएकाले धेरै ज्येष्ठ नागरिकहरू खोप लगाउनबाट बञ्चित भएको अनुगमनको क्रममा पाइएको बताए ।
उपभोक्ता हित संरक्षण मञ्चका अध्यक्ष समुन्द्र जिसी, समुहका अध्यक्ष कमला भण्डारी ज्ञवाली, उपभोक्ता हित संरक्षण मञ्चका सहसचिव पुष्पा शर्मा न्यौपाने, सदस्य मोहनलाल पाण्डे इन्सेक रूपन्देही सहजकर्ता विष्णु घिमिरे लगायतको टोलीले अनुगमन गरेको थियो ।
