धनी राम कोरी
कपिलबस्तु । जेठ ३१, भन्सार छली अवैध रुपमा ओसारपोसार न्यून गर्न कपिलवस्तु शशस्त्र प्रहरी थप सक्रिय भएको छ ।
सशस्त्र प्रहरी मर्यादपुरले जिल्लाको रंगपुर, मर्यादपुर लगायतको नाकाबाट शसस्त्र अवैध रुपमा भन्सार छली रु.२ लाख ४० हजार बढिको बिभिन्न किसिमका औषधी, चिसो, सुर्ती लगायत बिभिन्न किसिमका कास्मेटिकका सामानहरु नियन्त्रणमा लिई सुठौली भन्सार कार्यालयमा बुझाएको छ ।
भारतबाट लुकाई छिपाई ल्याई रहेका ती अवैध सामाग्री रंगपुरबाट शसस्त्र प्रहरी निरिक्षक शंकर सिंह सिखको कमाण्डमा खटिएका ७ जनाको टोलीले रंगपुरको बाटोमा तस्करहरुलाई लखेटदै २ लाख ४० हजार भन्दा बढीकोे औषधी, चिसो, सुर्ती लगायत बिभिन्न किसिमका कास्मेटिकका सामानहरु पक्राउ गरेको हो ।
उक्त अवैध सामान सुठौली भन्सार कार्यालय चलान गरिएको बि.ओ.पी. मर्यादपुरका शसस्त्र प्रहरी निरिक्षक शंकर सिंहले जानकारी दिनुभयो । अवैध रुपमा भन्सार छली ओसारपसार नियन्त्रणका लागी कपिलवस्तुका सुरक्षाकर्मीले थप कडाई गरे संगै पछिल्लो समयमा सिमा क्षेत्रमा बिभिन्न सामानहरु बरामद हुने क्रम बढेको छ ।
