बिनोद मण्डल
सिरहा । नेपालको पुर्व पछिम लोकमार्गको पहुँचबाट टाढा रहेको साविक गाउँविकास समिति विष्णुपुरकटी तथा धनगढीमाई -१४ प्राकृतिक रूपमा सजिएको सुन्दर पर्यटकिय सिरहाको भूमि मानिन्छ जहाँ बाटोघाटोको असुविधा, बिजुलीबत्तीको असुविधा, सञ्चार, स्वास्थ्य र शिक्षा लगायतका विषयको पहुँचबाट विगतमा सास्ती भोग्दै आएका यहाँका मानिसहरू यतिबेला खुशी भएका छन् ।
स्थानिय सरकार आएपछि यस ठाउँमा सेवा सुविधामा उलेख्य सुधार आएको छ । सिरहाको उत्तरवर्ती क्षेत्र बिहीबारे स्थित सर्रे खोलामा एक कार्यक्रमका बीच बिहीबारे देखि कसाईटार जोड्ने झुलुङ्गे पुलको शिलान्यास मेयर हरिनारायण चौधरीले गर्नुभएको स्थानिय नेता गोकुल पोखरेलले जानकारी दिनुभयो ।
यसअघि मेयर हरिनारायण चौधरीको पहलमा उक्त बिहीबारेको उत्तर लालपुरे टोल देखि मदन भण्डारी माविसम्म झोलुङ्गे पुलको निर्माण भइसकेको अवस्था छ । अाम मानिसको सहजताको लागि उक्त वडाको मडयान खोलाको देउसेमा एक अर्को झोलुङ्गे पुलको निर्माण यस अघि भइसकेको श्रोतको दाबी रहेको छ ।
झोलुङ्गे पुल क्षेत्रगत कार्यक्रम, धनगढी माई नगरपालिका र स्थानियस्तरको त्रिपक्षीय सहयोगमा करिब १ करोड 7 लाखको निर्माण लागतमा निर्माण हुन लागेको पुलबाट स्थानिय जनता लाभान्चित हुने पक्का देखिएतापनि सलहेश डाँडासम्म सडक विस्तार गरेर उदयपुर जिल्लाको दक्षिणी भाग सोमबारे सडक विस्तार चुनौती महसुस गरिएको स्थानियको दाबी छ ।
