उमेश भुजेल
दिक्तेल । खोटाङको दिक्तेलमा ३२ बेडको सुविधा सम्पन्न कोरोना आइसोलेसन केन्द्र सञ्चालन गरिएको छ । जिल्ला अस्पताल दिक्तेल र दिक्तेल रूपाकोट मझुवागढी नगरपालिकाको सयुक्त लगानीमा आयुर्वेद स्वास्थ्य केन्द्र दिक्तेलको भवनमा आइसोलेसन केन्द्रको स्थापना गरि आज सञ्चालन गरिएको हो ।
दैनिकी जसो कोभिडको कारणले संक्रमित बढ्दै गएकोले जिल्लामा व्यवस्थित तरिकाको कोभिड अस्पताल नहुदाँ बिरामीलाई काटमाण्डौँ र विराटनगर लैजानु पर्ने समस्याको मध्यनजर गर्दै जिल्लाका दशै वटा स्थानीय तहका कोभिड संक्रमित बिरामीलाई उपचार गर्ने गरि उक्त कोभिड अस्पताल सञ्चालनमा ल्याइएको उहाँले बताउनु भयो ।
सञ्चालनमा ल्याइएको अक्सिजन सहितको ३२ बेटको अस्थायी कोभिड अस्पतालमा एक जना मेडिकल अफिसर, दुई जना स्टाप नर्स रहने नगरपालिकाका स्वास्थ्य शाखाका संयोजक तीर्थराज आचार्यले बताउनु भयो ।
खोटाङ जिल्लामा व्यवस्थित कोभिड अस्पताल नहुदाँ कोभिडबाट संक्रमित भएका बिरामीले चर्को मूल्यमा गाडी रिजर्व र लाखौ रुपैयाँ तिरेर हेलिक्टर चार्टर गरि जिल्ला बाहिरका अस्पतालहरूमा उपचार गराउनु पर्ने समस्या रहेको छ ।
