खोटाङ । बराहापोखरी-पिप्ले-अजिङ्गरे सड्क निर्माण कार्य ९७ प्रतिशत सम्पन्न भएको छ । गत आर्थिक वर्षमा खोटेहाङ गाउपालिका कालापानीका बसिन्दाहरुले कुलो र खैरेनी बनमा क्षति पुग्ने भन्दै अबरोध गरेपछि उक्त सडक निर्माणको लागी बिनियोजित ३० लाख बजेट फ्रीज भएको थियो ।
नेपाल सरकार ले १००औं गन्तब्य मध्ये एक गन्तब्य बाराहापोखरी गाउपालिका वडा नं १ मा अबस्थित बराहापोखरी ताललाई तराईसँग जोड्ने सबै भन्दा छोटो दुरिको सडक खोटेहाङ गाउपालिका अध्यक्ष प्रदिप राइ र बाराहापोखरी गाउपालिका अध्यक्ष शलिकराम बन्जरावीच सहमतीपछि सडक निर्माणको काम पुन: सुरु भएको हो ।
गत बर्ष खोटाङ जिल्ला अदालतले मुद्दाको छिनोफनो गरी सडक निर्माण कार्य अघि बढाउन दिएको आदेशपछि पनि स्थानीयवासीहरुले लगातार अबरोध गर्दै आइरहेको थियो ।
खोटाङका निवर्तमान सांसद तथा निवर्तमान नेकपा एमालेका प्रमुख सचेतक विशाल भट्टराईको नेतृत्वमा सांसद विकास कोषवाट २० लाख बजेट र बाराहापोखरी गाउपालिका वडा नं. १ को सहयोगमा उक्त सडक निर्माण कार्य सम्पन्न हुन लागेको गायक भरत लिमेलले जानकारी दिए।
यो सडक निर्माण सम्पन्न भएसंगै बराहापोखरीको विकास र प्रवर्धनसँगै पर्यटकहरुको आगमन हुने लिमेलले जानकारी दिए।
