सिराहा । सिराहाको धनगढीमाई नगरपालिका भित्रका निजी विधालयहरुले विना कुनै अनुमति गोप्य रुपमा परिक्षा संचालन गरेको छ ।
लकडाउनको मार खेपिरहेका अभिभावकहरुलाई मानसिक दवाव दिई चर्को परिक्षा शुल्क उठाईरहेको खुलेको छ । धनगढीमाई नगरपालिकाको शिक्षा शाखाका एक अधिकारी प्रदिप कुमार साहका अनुसार विधालयहरुलाई आन्तरिक मूल्याकंनको आधारमा परिक्षाफल प्रकाशित गर्न निर्देश दिईएको हो ।
तर नगरपालिकालाई समेत अटेर गरेर बिद्यार्थीहरुलाई भौतिक उपस्थित गराई परिक्षा लिईरहेको जानकारी प्राप्त भएको छ । साहले आज नगरपालिकाले अनुगमन थाल्ने बताएको छ ।
एक स्थानीय अभिभावकले भने ‘के गर्नु विधार्थी न पठाउ भने फेल गरिदिने हो कि डर छ, हजुर । त्यसैले हामी बच्चा पठाउन बाध्य छौ ।’ कोरोना माहामारीलाई यसरी चुनौती दिई लिदै गरेको परिक्षाको कारण यदि संक्रमण फैलियो भने यसको जिम्मेवारी कसले लिने? चिन्ताको विषय बनेको छ ।
